វីដេអូ៖ អត់ការងារធ្វើ លេងល្បែងចោរប្លន់ ត្រូវមួយដៃឈាមច្រមុះអត់អំពើ!

នាថ្ងៃចុងសប្តាហ៍នេះ ខ្មែរឡូតនឹងនាំអារម្មណ៍ប្រិយមិត្ត ទៅកំសាន្តជាមួយវីដេអូគួរឲ្យអស់សំណើចមួយ ដែលបង្ហាញពីសកម្មភាពយុវជនមួយក្រុមមានគ្នាបីនាក់ បានបន្លំធ្វើជាចោរប្លន់ប្រដាប់អាវុធ សម្រុកចូលទៅប្លន់ផ្ទះរបស់មិត្តភក្តិ ប៉ុន្តែជាអកុសលបែរជាត្រូវមួយដៃ ឈាមច្រមុះអត់អំពើទៅវិញ។

វីដេអូដែលមានរយៈពេលជាង ២នាទីនេះ បានបង្ហាញពីសកម្មភាពរបស់យុវជនបីនាក់ ប្រដាប់ដោយកាំភ្លើងក្លែងក្លាយ បានសម្រុកចូលទៅប្លន់ផ្ទះរបស់មិត្តភក្តិគេ បណ្តាលឲ្យពួកម៉ាក់ម្នាក់នោះ ភ័យស្លន់ស្លោរស្ទុះទៅម៉ាត់ចោរម្នាក់ ពេញមួយទំហឹង បណ្តាលឲ្យបែកឈាមពេញច្រមុះ ហើយរូបគេក៏បន្តរត់សម្រុកចេញមកក្រៅ បម្រុងរត់គេចចេញតាមបង្អួតទៀតផង ប៉ុន្តែចុងក្រោយទើបដឹងថា មិត្តភក្តិកំពុងតែលេងល្បែងឆ្កួតលីលានេះទៅវិញ។

ទោះជាយ៉ាងណាក៏ដោយ បើយើងអង្កេតមើលទឹកមុខបុរសម្នាក់ ដែលត្រូវចោរប្លន់គឺអាក្រក់មើលយ៉ាងខ្លាំង ដោយសារតែចោរមានកាំភ្លើងម្នាក់មួយដើមជាប់ដៃ ចំណែកឯរូបគេវិញគឺមានតែដៃទទេ ទុកសម្រាប់តបត។ ដូចនេះហើយ សូមប្រិយមិត្តមេត្តាមិនត្រូវយកតម្រាប់តាមវីដេអូនេះឲ្យសោះ ព្រោះទង្វើនេះអាចធ្វើឲ្យមានការភ័ន្តច្រឡំ និងអាចបង្កឲ្យមានរឿងកាន់តែធំទៀតផង។

បើចង់ដឹងច្បាស់ សូមប្រិយមិត្តទស្សនាវីដេអូខាងក្រោម៖

 

តើប្រិយមិត្តយល់យ៉ាងណាដែរ ចំពោះវីដេអូនេះ?

ដោយ RoMeo

ខ្មែរឡូត

ប្រភពពី៖​ www.khmerload.com